Vieiros

A ministra de Asuntos Exteriores israelí, Tzipi Livni, confirmou que o goberno israelí se reunirá este sábado para decidir se estabelece un alto o fogo unilateral na Faixa de Gaza.

Mentres os ataques continúan, responsábeis do goberno de Tel Aviv adiantaron que o seu primeiro ministro, Ehud Olmert, convocará na noite deste sábado ao seu gabinete de seguridade para decidir a convocatoria dunha tregua. Con todo, Israel non negociará directamente con Hamás e xa advertiu que a súa decisión non implicará que non respondan fronte a "posíbeis ataques dos milicianos palestinos".

Pola súa parte, en Doha (Qatar), o líder exiliado de Hamás, Jaled Meshaal, xa adiantou aos líderes árabes que o seu grupo non aceptará as condicións israelís para un alto o fogo e loitará até que Israel remate coas súas hostilidades.

Así recollen a noticia outros medios:

• BBC: Israel poised for ceasefire vote
• The Guardian: US backs deal to reopen Gaza-Egypt border
• Al Jazzera: 'Israel 'set to halt war on Gaza' 
• Haaretz: Israel's Cabinet to vote Saturday on unilateral Gaza truce