Vieiros

O groso da delegación galega na Feira Marítima Internacional de Brest xa aterrou na cidade bretoa o xoves ás once da mañá. Galiza, como país convidado de honra, contará co lugar principal na mostra, que se inaugura o venres. Previamente, haberá unha recepción oficial das delegacións ás sete da tarde.

Os equipos están a traballar a toda marcha para que a mostra estea montada a tempo para a súa apertura oficial, despois dunha forte borrasca que lle afectou á zona nos últimos días e que fixo algo máis difícil toda a actividade.

En calquera caso, todo está listo para que comece a festa, con impresionantes barcos, coas tripulacións uniformadas coa roupa oficial de cadansúa delegación e tamén cun amplo e variado programa de actividades.

Na web GaliciaenBrest.org pódese consultar máis información sobre a delegación do país en Brest, como un diario de a bordo ou vídeos como este: