Vieiros

Segundo o goberno birmano, xa son practicamente 4.000 as persoas mortas, 41 feridas e preto de 3.000 desaparecidas despois do paso do ciclón Nargis polo país do sueste asiático. Porén, oficiais das Nacións Unidas temen que o número poida aumentar até as 10.000 vítimas. As mortes poderían supoñer o peor desastre natural dende o tsunami de decembro de 2004, en que morreran 181.000 persoas.

Hai que sumar, ademais, os centos de miles de persoas que quedaron sen fogar e con dificultades para acceder a auga e a comida dende o paso do ciclón, o sábado, polo delta do Irrawaddy e pola capital de Birmania, Rangún. Se se confirman as 10.000 mortes, supoñería un importante incremento fronte ás primeiras estimacións oficiais, que o domingo foran de 351 vítimas mortais.

Máis de 350 mortos en Birmania polo paso dun ciclón