Vieiros

O feito de que máis dun cento dos 1.400 colexios electorais onde os paquistanís votarán este luns fosen declarados como "puntos de alto risco" ofrece exemplo do contexto no que os cidadáns están chamados a exercer o seu dereito. Malia o amplo despregue de seguridade para evitar actos violentos, na véspera da votación un atentado levaba a vida de medio cento de persoas nunha sede do Partido do Pobo de Paquistán.

Os comicios serian ademais unha comprobación dos apoios cos que conta agora mesmo o presidente do país, Pervez Musharraf. Segundo algunhas sondaxes, o seu partido apenas recibiría o 14% do total de votos. Os últimos acontecementos beneficiarían o PPP, dirixido polo viúvo da ex primeira ministra Benazir Bhutto, que sumaría arredor do 50% de apoios, e á Liga Musulmá que lidera o ex primeiro ministro Nawa Sharif, que conseguiría o 22% do total.