Vieiros

Unhas 15 persoas foron detidas en distintas provincias arxentinas, acusadas de integrar unha rede de pederastas que traballaban en conexión con outras redes internacionais. A operación, chamada "inferno infantil" realizouse nas últimas horas deste venres en 25 vivendas da Capital Federal, as provincias de Santa Fe, San Juan, Tucumán, Salta, Corrientes, San Luís e en varias cidades do Conurbano bonaerense.

Segundo as axencias de noticias nacionais, e investigación permitiu descobrir que os acusados publicaban e intercambiaban material pornográfico nos que se exhibían a menores de idade espidos mentres eran sometidos a abusos sexuais e violacións.

Así mesmo, realizáronse operativos nas provincias de Corrientes, San Luís, Tucumán, Salta e nas localidades bonaerenses de Morón, Merlo, Bernal e Berazategui. Durante a xornada, a policía atopou máis de 10 mil imaxes de pornografía infantil e vídeos nos que se exhibían a menores de idade vítimas de abusos sexuais.

Un xefe policial dixo aos xornalistas que neses vídeos pódense ver imaxes de orxías sexuais con maiores en actitude pasiva e activa, onde facían participar a nenos de pouca idade e inclusive bebés.

A investigación, ordenada polo Xulgado do Criminal Número 30, comezou o ano pasado tras comprobarse que a rede de pederastas publicaba e intercambia material pornográfico por Internet. “O feito constitúe unha aberración. Pídolle á sociedade que sexa conciente de que non se trata dunha mera fotografía, senón dunha violación de menores, de bebés, detrás do cal está venta de persoas, a prostitución e as torturas ás que son sometidas as vítimas", dixo o xefe da operación, comisario Rodolfo Koleff.