Vieiros

Durante un encontro nun centro comunitario da urbe londinense, advertiu a Estados Unidos das consecuencias de atacar a Irán, falou sobre a vida de Francisco de Miranda (procer da independencia venezolana) e mencionou ademais os programas sociais que financia o seu goberno en Venezuela.

Chávez prometeu crear un programa de fornecemento de combustíbel para as comunidades pobres de Londres.

THE GUARDIAN

The Guardian dedicalle a súa terceira páxina completa ao presidente venezolano co título: "A revolución está no ar de Camden mentres que Chávez -co seu amigo Ken- recibe unha benvida de heroe".

O comezo do artigo escrito por dous xornalistas deste xornal, resume todo o seu contido: "foi chamado terrorista por Washington, pero por tres horas e media onte en Londres non fixo nada malo".

"A audiencia composta por figuras da esquerda británica e inmigrantes latinoamericanos adorouno, aplaudiuno, cantou e riu das denuncias do presidente venezolano sobre Bush e o capitalismo, e das súas gabanzas a Ken Livingstone (alcalde de Londres) e ao Papa", agregou.

The Guardian inclúe nas súas páxinas interiores un artigo de opinión do propio Livingstone, quen asegura que "Chávez e Venezuela merécense todo o apoio daqueles que cren na xustiza social e a democracia".

"Por anos a xente pediu que o progreso social e a democracia vaian da man e iso é exactamente o que sucede en Venezuela", agregou.

FINANCIAL TIMES

Este xornal conservador, considerado unha das principais voces da comunidade financeira internacional, dálle a foto destacada de primeira páxina a Chávez e a súa advertencia de que o petróleo pode chegar a US$100 de producirse un ataque a Irán.

Ademais reflectiu as palabras do presidente venezolano quen sinalou que "a clase media inglesa deberá deixar de utilizar os seus vehículos" se EUA ataca Irán.

O artigo continúa na segunda páxina, tamén con foto destacada de Chávez e Livingstone, para indicar que a visita non incluirá contacto algún co goberno británico e fai un reconto do malestar de Chávez con Tony Blair.

Un dos columnistas do FINANCIAL TIMES, en páxinas interiores, escribiu un artigo titulado "Porqué tennos que importar Chávez e as súas políticas".

"Malia á súa retórica latinoamericana explosiva, que os anglo saxóns axiña desestiman, os sinamentos de Chávez son cousa seria: ofrece a idea de que a democracia liberal non é o vehículo apropiado, ou até o inimigo, da reforma social", escribe o columnista David Lehmann.

"En Venezuela o seu estilo (...) é gobernar como un caudillo mediante a proclamación de metas pouco factíbeis como na redución de pobreza e construción de vivendas. Ademais hai dúbidas da integridad das cifras oficiais venezolanas que xeran dúbidas sobre presuntos éxitos como a baixa do desemprego", agregou o artigo.

THE INDEPENDENT

O outro xornal liberal de publicación masiva no Reino Unido tamén lle dedicou a súa terceira páxina completa á visita e o seu encontro deste domingo.

O título é elocuente: "Aristócratas de esquerda saen a recibir ao seu heroe Chávez".

"Foi descrito como un campión dos pobres contra os ricos corruptos e os seus patrocinantes estadounidenses; outros o ven como un perigoso demagogo que subsidia réximes totalitarios cos seus pozos petroleiros. Pero onte en Londres non había dúbida do que pensaban as centos de persoas que se presentaron a velo", comeza o artigo.

E agregou: ""Case mil persoas asistiron a un repleto Centro Comunitario de Camden para presenciar un escenario que mesturaba un discurso populista latinoamericano, unha reunión evanxélica e un partido de fútbol".

En páxinas interiores deste xornal inclúese unha columna de opinión que fai referencia ao presunto título honorario que lle outorgaría a Chávez a Universidade de Oxford.

"Isto basicamente non é verdade, pois as autoridades de Oxford dixeron que tal título non se entregou nin se entregará ao dirixente venezuelano", sinalou Guy Adams quen ademais citou a un portavoz do centro académico.

THE TIMES

O xornal conservador británico desprega medio corpo na súa segunda páxina do primeiro día do presidente venezolano en Londres, cunha crónica titulada: "Chávez non pode pintar a cidade de vermello en Camden".

"No comezo da súa controversial visita a Londres, Chávez tivo éxito en atraer a un ecléctico grupo de partidarios que incluía activistas contra as armas nucleares e contra a globalización, membros do Partido Socialista de Traballadores e ata algún manifestante palestino", sinala o artigo.

"O contido do seu discurso pareceu non ter o contido revolucionario que esperaba a súa audiencia, xa que non fixo mención de Tony Blair ou o goberno británico, a quen deliberadamente ignorou nesta visita", lese no que escribe Richard Beeston.

"O público debeu escoitar entretida como o presidente practicaba o seu inglés oxidado de escola primaria (...) logo retirouse ao Hotel Savoy para preparar o seu segundo día de vendaval en Londres", engadiu.

THE DAILY TELEGRAPH

Neste xornal ultra conservador británico, dáselle unha lixeira mención á visita, nunha columna de breves nacionais, que inclúe foto do mandatario.

Brevemente o xornal refírese ás advertencias emitidas por Chávez verbo do prezo petroleiro de producirse un ataque a Irán.

Con todo, non dedica máis que un pequeno espazo do seu contido a rexistrar o primeiro día en Londres do presidente venezuelano.