Vieiros

Galiza rexistrou en 2008 o peor índice vexetativo do Estado Español, con 6.387 mortes máis ca nacementos, segundo datos da enquisa Movemento natural da poboación publicada polo INE. En concreto, no país rexistráronse 23.281 nacementos fronte a 29.668 defuncións, o que se traduce nun crecemento vexetativo negativo.

Segundo as táboas do INE, naceron máis homes ca mulleres: 11.981 fronte a 11.194. Producíronse 396 partos dobres e só sete triplos. Do total de nacementos rexistrados, un 7,75% foron de nais estranxeiras e concentráronse principalmente na metade oriental de Galiza, con taxas de arredor do 10%.