Vieiros

O pasado mes de maio contabámoslles da polémica decisión da maxistrada do xulgado número 1 de Corcubión, quen dicía non ver "indicios suficientes" de que a decisión do ex director xeral da Mariña Mercante "agravase" o risco xerado polo petroleiro Prestige.

A Audiencia Provincial da Coruña fixa agora o trasacordo na causa xudicial, atendendo aos diversos recursos de apelación presentados, un deles pola propia Plataforma Nunca Máis. Así, a Audiencia ordena outra vez a imputación do ex director xeral da Mariña Mercante, José Luíz López Sors, o único ex alto cargo do Ministerio de Fomento que permanecía imputado. O motivo é a presunta "responsabilidade criminal con imprudencia grave" por ter promovido o afastamento do Prestige da costa, convertendo o accidente do petroleiro na catástrofe que despois aconteceu.