Vieiros

A Asociación de Escritores en Lingua Galega deu lectura a un manifesto público este venres 24 de xullo para denunciar a creba do proceso de restitución á normalidade do noso idioma impulsada polo actual goberno galego. Foi na Alameda de Compostela, ao pé da estatua de Rosalía.

O texto comezou explicando que os escritores "revirados estamos contra unha xenreira que naceu en pechos corazóns contra a palabra de noso". E salienta que "por nacenza e por vocación só queremos e só podemos estar no mundo coma o que somos, coma galegos, e iso só é posíbel desde a nosa lingua". Finalmente, concliuí que "non se pode ser galego contra o galego. Mesmo non é posíbel selo sen sentir no corazón o orgullo do idioma. Hoxe, cando o poder gobernante tenta abrir unha fenda na sociedade, esta conciencia debe defenderse máis do que nunca".

Le e descarga aquí o manifesto completo (.pdf)