Vieiros

A corrente liderada polo ex voceiro nacional do BNG, Xosé Manuel Beiras, defende que as listas coas que participará na asemblea extraordinaria de maio son "abertas" a toda a militancia e "non son franquicia ao servizo" de ningún líder ou grupo, o que contrapuxo ás outras dúas opcións do partido, a liderada pola UPG e a dirixida por Carlos Aymerich.

"O Encontro Irmandiño non vai participar nun proceso para servirlle un prato precociñado á militancia do BNG", aseverou a formación, que se amosa contraria a que ao conclave do 10 de maio asistan 2.500 delegados, en lugar de ter aberto un proceso precensal para que "todo os militantes que quixesen" puidesen acudir ao plenario.

Dende o Encontro Irmandiño tamén lembraron que nas súas candidaturas de delegados pode "participar calquera afiliado que estea a favor da participación directa": "son benvidas" a 'Listas Abertas' todas aquelas persoas que se identifiquen coas ideas de "rexenerar el BNG restabelecendo os principios fundamentais do asemblearismo, o respecto ao pluralismo interno, á democracia horizontal ou á primacía da organización sobre os cargos institucionais".