Vieiros

Esta fin de semana desenvolverase en Compostela a décima edición do encontro informático Xuventude Galiza Net. E, un ano máis, Vieiros dedícalle un completo especial, coa narración en directo, vídeos e imaxes de todo o que aconteza na principal festa do país no eido da computación.

Durante o 3, 4 e 5 de abril, estaremos moi atentos ao que pase no Xuventude Galiza Net 2009, que este ano estrea unha sede máis ampla. Será no Multiusos Fontes do Sar, en Compostela, con 1.800 asistentes na intranet e moitos miles máis de visitantes na extranet.