Vieiros

O xa famoso tema A festa non vai parar, de DJ Son1c e Isis, ten un lugar no firmamento da música dance e converteuse en banda sonora de referencia para a mocidade galega. Así, nunha visita a YouTube podemos atopar varios vídeos nos que A festa non vai parar cobra protagonismo.

Podemos atopar as típicas montaxes de fotografías festivas acompañadas do tema galego, como a destes adolescentes que se atopan, visibelmente, nunha discoteca.

É moi probábel que A festa non vai parar soe tamén en botellóns, como o que se pode ver nesta presentación protagonizada polas "nenas festeiras". Por último, a música ten tamén o seu lado sentimental para felicitacións ou dedicatorias.