Vieiros

"Touriño liderou acordos sociais en momentos de dificultade e impulsou os maiores consensos co goberno español para permitir que Galiza e os seus cidadáns gocen da maior inversión de diñeiro público da historia”, afirmou Mar Barcón, secretaria xeral do PSdeG.

Ao fío da xuntanza en Madrid do presidente da Xunta co presidente do executivo estatal, Barcón criticou a posición do PPdeG e opinou que o presidente dos populares galegos "segue mergullado na súa particular campaña electoral mentres Touriño responde á confianza dos galegos”. "Os cidadáns saben que non poden confiar no señor Feijoo, porque non está a altura na negociación do Estatuto, non está a altura cando ten que apoiar o presidente da Xunta na defensa do mellor para os galegos ”, afirmou Barcón.