Vieiros

Galiza estreou selección de fútbol praia o pasado fin de semana cun fermoso partido fronte á selección portuguesa, unha das máis fortes do mundo. O partido xogouse no multiusos do Sar, diante de mil cen persoas, e rematou cun empate a tres goles que os portugueses desfixeron na quenda de penaltis.

O equipo galego non elixiu un adversario fácil para a súa estrea e tivo diante a unha das mellores seleccións do mundo, terceira clasificada no campionato mundial deste deporte celebrado este ano. Así, os portugueses impuxeron a súa experiencia e foron por diante no marcador durante todo o partido, cos xogadores galegos a empatar grazas aos goles de Nico Alvarado e Ramiro Amarelle, este último en dúas ocasións.

Xogouse o campionato galego en pista cuberta
Coincidindo co estreo da irmandiña, disputouse o campionato galego de fútbol praia en pista cuberta, que levou até o Sar a case 140 xogadores pertencentes a 14 equipos. O vencedor final foi o "Atlético de Madrid", de Vigo; e un dos seus xogadores foi elixido para formar parte da selección galega que se enfrontou a Portugal.