Vieiros

O voceiro do PSdeG no Parlamento, Ismael Rego, considerou un "fito histórico" que o presidente da Xunta anunciase a data das eleccións no pleno da Cámara, e puxo este feito como exemplo das "conviccións democráticas" do tamén líder dos socialistas galegos. Nesta liña, sinalou que Touriño compareceu en todos os plenos para someterse ao control dos grupos parlamentarios, polo que interpretou que o anuncio desta quinta feira "pecha un ciclo".

En canto ao día escollido por Touriño para as eleccións, o socialistas restoulle importancia a estas se desenvolvan tres meses antes de que termine a lexislatura, en xuño, dicindo que se trata "dun adianto técnico" para que os comicios galegos teñan "espazo propio" e non coincidan cos europeos.