Vieiros

Canda as cidades autónomas de Ceuta e Melilla, Galiza carece de capacidade de decisión en materia de meteoroloxía. O conselleiro de Medio Ambiente exixiu ao goberno estatal que poña fin a esta transferencia no menor prazo posíbel ao tempo que criticou ao anterior executivo da Xunta por non ter feito nada neste eido. Así, instou aos grupos parlamentarios a buscar os mecanismos necesarios e a vía máis rápida para materializar este traspaso.

Ademais, informou de que a petición xa foi cursada ao executivo de Zapatero hai tres anos, sen obter ningún tipo de resposta. "Seguimos agardando por algo que teñen o cen por cen das autonomías", dixo Manuel Vázquez, quen defendeu a importancia de lexislar en materia meteorolóxica. Foi na presentación dun libro titulado "Historia da meteoroloxía e da climatoloxía de Galiza", coordinado polo profesor Francisco Díaz-Fierros. No acto, Vázquez tamén reivindicou o traballo do seu departamento para anticiparse ao impacto do cambio climático.