Vieiros

O equipo que adestra Isaac Fernández acadou unha importante vitoria fronte ao Pallancanastro Ribera na primeira xornada da FIBA Eurocup. As locais dominaron o encontro dende o comezo e basearon a súa vitoria nuns elevados porcentaxes de tiro. Por parte do Extrugasa destacou a base Sara Gómez, que anotou 21 puntos cunha serie de cinco triplas en oito intentos. O 81-67 do marcador reflexa a superioridade que as arousás amosaron durante todo o encontro.

As 350 persoas que se achegaron ao pavillón de Fontecarmoa puideron presenciar a primeira vitoria do Extrugasa na casa, en competición oficial, no que vai de tempada. O triunfo ten unha especial importancia por ser o Pallancanastro un rival directo na loita pola segunda praza que da acceso á seguinte fase. Esta loita non abrangue a primeira posición que, de cumprirse os prognósticos, debería ser ocupada polas francesas do Tarbes Gespe Bigorre.