Vieiros

Non é habitual estes días oír da saída voluntaria dos altos cargos das entidades financeiras malia os cambaleos sufridos despois de anos de operacións cuestionábeis. Por iso destaca entre as novas recentes no ámbito económico a da dimisión de Charles Milhaud, o presidente da Caisse d'Epargne, o grupo financeiro que inclúe as caixas francesas, que sae da compañía xunto ao director xeneral e o responsábel financeiro.

O grupo Caisse d'Epargne admitira o pasado venres a perda de arredor de 600 millóns de euros, e desde aquela xa se coñecera o despido de varios responsábeis directos das operacións implicadas, entre eles o xerente da carteira en bolsa do grupo e o seu equipo máis próximo. O acontecido foi criticado por varios membros do goberno francés, incluído o presidente Sarkozy. O suceso podería complicar ademais a negociación co Banque Populaire para a creación do que será o segundo grupo financeiro do país.

Máis: Liberation e Le Monde