Vieiros

A sorte repartiuse de forma desigual entre os equipos galegos no sorteo da eliminatoria dos dezaseisavos de final. O Deportivo xogará contra o Elche, actualmente clasificado no último lugar da segunda división. Trátase de un equipo con experiencia na segunda división estatal, que está vivir un mal inicio de liga. O primeiro partido xogarase no estadio ilicitano Martín Valero e a volta en Riazor.

O Celta, pola súa parte, terá como rival ao Espanyol de Luís García e Raúl Tamudo. O equipo que dirixe Bartolomé Marquez ten un grupo de xogadores moi afianzado, onde unha gran parte do equipo leva anos xogando xuntos. Os vigueses comezará a eliminatoria na casa, e xogarán a volta no Estadio Olímpico de Monjuic. Os de Pepe Murcia terán unha boa oportunidade para medirse o seu propio potencial, e rematar de enganchar á súa afección, despois da ilusión que xerou a anterior eliminatoria disputada contra a Real Sociedade.

Outros enfrontamentos destacados son o Barcelona - Benidorm, Real Unión de Irún - Real Madrid, ou Athletic Club de Bilbao - Recreativo de Huelva. Os partidos de ida disputaranse o 29 de este mes e os de volta o 12 de Novembro.