Vieiros

O pontevedrés do Cidade de Lugo Fluvial, Óscar Vicente, gañou a pasada fin de semana a medalla de bronce no Campionato do Mundo de Duatlón Júnior, na proba individual, e a de ouro na proba de relevos por equipos.

Na proba individual, Vicente entrou na meta a só 10'' do campión, o sudafricano Richard Murray, quen revalidou o título obtido o ano pasado. A outra medalla, a da proba de relevos, conseguiuna o pontevedrés competindo no equipo estatal, do que tamén facían parte o mallorquino Mario Mola e o catalán Albert Moreno. Este mesmo combinado xa se proclamara, o pasado mes de maio, Campión de Europa neste especialidade. Para conseguir o ouro tiveron que dar o mellor de si en 2,5 quilómetros de carreira a pé, 10 de ciclismo e outros 1, 25 quilómetros de carreira a pé.

Por outro lado, o deportista do Cidade de Lugo, Jesús Gomar, terminou no décimo posto na categoría Sub 23 neste Mundial.