Vieiros

A aula de produtos lácteos de Lugo vén de presentar unha proposta pioneira no eido da prevención de riscos laborais e da informática aplicada. Os alumnos desenvolveron este proxecto no marco do terceiro obradoiro de traballo da APL.

Este servizo permite resolver, co móbil, calquera accidente de traballo. Para acceder a el, só hai que premer no menú do móbil -ou PDA- na opción para navegar na Internet que ofrece o noso servidor de telefonía e escribir a dirección www.riscoslaborais.net/movil. Alí poderemos ver un listado de posíbeis riscos laborais e, premendo no correspondente, acharemos o protocolo que debemos seguir.

Un exemplo
En caso de convulsións epilépticas, o programa indica EPILEPSIA: Afección crónica caracterizada por crises convulsivas. Actuación: Despexar o contorno de calquera obxecto que poida ferir ao enfermo. Colocar unha manta ou roupa debaixo do afectado para protexelo dos golpes. Poñer un anaco de madeira o algo duro entre os dentes para que non se morda a lingua.

Trátase dun produto pioneiro posto que é a primeira vez que se presenta unha solución destas características en España. Este terceiro taller de traballo foi financiado polo Fondo Social Europeo e a Consellaría de Traballo.