Vieiros

A formación independentista NÓS-Unidade Popular amosou a súa disposición a participar nunha candidatura unitaria da esquerda soberanista, segundo informou a Dirección Nacional mediante un comunicado enviado aos medios.

"A nosa organización ten firme disposición para renunciar a presentar candidatura propia nas eleccións de 2009, se o conxunto da esquerda nacional da Galiza se mostra disposta para concorrer cunha mesma candidatura superadora da fragmentación", anuncian.

"NÓS-UP (...) ten plena disposición a contribuír para o éxito desta necesidade histórica: recuperar a esperanza, dar voz aos movementos sociais, rexenerar a política de esquerda, incorporar o dereito de autodeterminación no centro de gravidade da acción política galega, contribuír a crebar a hexemonía dos clónicos proxectos políticos que hoxe ocupan en exclusiva a política institucional do noso País", engaden no texto.