Vieiros

Nestes momentos o Ministerio de Medio Ambiente ten aberto o periodo de suxerencias para a elaboración do estudo de impacto ambiental, polo que os veciños da zona están a tempo de realizar alegacións.

            A zona do proxecto está incluída dentro da Reserva da Biosfera Río Eo, Oscos, Terras de Burón e máis forma unha unidade ecolóxica xunto coa delimitación do futuro Parque Natural de Ancares.

            Por se isto no fora suficiente, a parte norte do proxecto está incluida no LIC Ancares-Courel pertencente á Rede Natura mentras a sur está incluída na proposta de ampliación da Rede Natura que presentou o Sr Conselleiro de Medio Ambiente no Consello Galego de Medio Ambiente em xullo de 2007. Estes feitos avalan o grande valor ambiental desta zona e a tremenda barbaridade que representará un encoro que destruirá por completo o ecosistema e desplazará aos seus habitantes, provocando un enorme impacto ambiental e social.

            Entre as especies de plantas protexidas atopamos Narcissus triandrus protexida polo Anexo IV da Directiva Hábitat e Narcissus bulbocodium ou Scrophularia berminii protexidas polo Anexo V da Directiva Hábitat e máis o brión Zigodom conoideus protexido polo Catálogo Galego de Especies Ameazadas. Entre as comunidades vexetais protexidas pola Directiva Hábitats (92/43CE) e citamos 91E0 Bosques aluviais de Alnus glutinosa e Fraxinus excelsior ou as escasas comunidades de augas correntes (códigos 3260 e 3270). Tamén veranse gravemente afectada especies animais protexidas como a auganeira (Galemys pyrenaicus) ou a lontra (Lutra lutra) entre outras.

           Finalmente ADEGA tamén solicita que se avalíen as afeccións desta delirante obra nas área próxinas, territorios de campeo do oso, ao cortar un ecosistema cercano ás zonas oseiras.