Vieiros

Isto dixo o secretario xeral para o Territorio e a Biodiversidade do Ministerio de Medio Ambiente, Antonio Serrano, na conferencia de prensa após a xuntanza da Comisión Mixta do Parque Nacional das Illas Atlánticas.

Serrano tamén indicou que o goberno español está interesado na adquisición destes terreos para protexer ecosistemas de "maior interese".

Mercando "áreas fráxiles" do país
Serrano explicou que entre as zonas a adquirir inclúense "áreas fráxiles ante o proceso do cambio climático", afectadas polos temporais ou con moito risco de se inundaren. Tamén se inclúen, na posíbel compra, varias áreas "densamente urbanizábeis onde a presión xa sobrepasou a capacidade do contorno".

O secretario xeral non avanzou os espazos concretos no que o goberno español ten interese, mais si dixo que neles están incluídas "algunhas illas da Ría de Pontevedra".