Vieiros

O ordense Iván Raña non puido rematar na cabeza da carreira da Copa do Mundo de Triatlón que se disputou este domingo na cidade mexicana de Cancún. O vencedor da proba foi o canadense Simon Whitfield, cun tempo total dunha hora, 52 minutos e 7 segundos. Whitfield é o segundo da clasificación xeral, xusto por detrás de Xabier Gómez Noya.

Na categoría femenina, Pilar Hidalgo tampouco tivo moita sorte, e quedou ao final no posto 24 da clasificación, a 8 minutos e medio da gañadora, a estadounidense Julie Ertel, que completou o percorrido en 2 horas, 3 minutos e 22 segundos. A triatleta aínda ten por diante a proba de Eilat (Israel), que se disputará o 1 de decembro, para acadar praza para os Xogos Olímpicos de Beixín.