Vieiros

O acto central tivo lugar en Vigo, diante da estatua de Simón Bolívar, e aló estivo entre outros Mauricio Castro, voceiro nacional da organización. NÓS-Unidade Popular pretendeu con esta convocatoria facerlle un homenaxe a "todos aqueles compatriotas que contribuíron para loitar por un mundo mellor en calquera parte do planeta".

"Che Guevara, que representa o paradigma do combatente internacionalista pola liberdade nacional e a xustiza social, afirmou en 1965 que o exercicio do internacionalismo proletario non só é un deber dos pobos que loitan por asegurar un futuro mellor, é unha necesidade insoslaiábel", afirma o manifesto para o Día da Galiza Combatente publicado pola formación.