Vieiros

A vivenda máis cara do mundo en relación aos soldos dos cidadáns. Así se laian desde o portal Vdevivenda, desde hai meses un dos puntos de encontro na rede para a organización de actividades e a convocatoria de mobilizacións en denuncia da situación: "a ameaza da especulación descontrolada cun ben de primeira necesidade como é a vivenda".
Coa optimista convicción de que as cousas poden cambiar a través do esforzo e a presión colectiva, diversas plataformas atoparon en internet a canle axeitada para desenvolver unha vizosa actividade que contribuíu a que o problema apareza nos últimos tempos con moita frecuencia nas axendas políticas.
Un dos puntos máis activos en Galiza en apoio deste tipo de reivindicacións ten sido Ourense, desde onde se mantén a web Dereito ao teito. Ants do verán, numerosos colectivos xuntaron forzas na cidade das Burgas na convocatoria dun roteiro "anti-especulativo".
Este sábado 6 de outubro, a rede convoca así aos cidadáns a concentrárense en protesta pola situación diante de todas as casas do concello das principais cidades do Estado.