Vieiros

Na xornada da cuarta sopraba o vento a 17 nudos de compoñente Norte na bahía de Cascais: era a famosa Nortada, que favoreceu os intereses galegos neste Mundial, onde compiten 31 tripulacións do Estado, tentando conseguir a pasaxe olímpica en cada unha das once categorías.

Na segunda xornada de competición o obxectivo dos dous galegos da clase Tornado xa é case realidade, xa que Paz e Echavarri, campións do mundo hai dous anos, conseguiron rubir até o segundo chanzo do podio cun triúnfo na primeira manga do día. Agora están a oito puntos do líderes da táboa, os belgas Carolijn Brouwer e Sebastien Godefroid.

Un bo golpe de timón
Foi o que deron o coruñés "Chuny" Bermúdez e o cántabro Pablo Arrarte, na clase Star, marcando un 4 e un 14 nas dúas probas da xornada, o que lles permitiu escalar 13 postos, até a posición 28.