Vieiros

Tampouco xera ningún tipo de gas contaminante: só osíxeno. E todo iso, sen ter que renunciar ás comodidades do século XXI, como unha bañeira de hidromasaxe ou un televisor con pantalla de plasma. Mesmo o seu automóbil funciona con hidróxeno que el mesmo produce.

Nos días de moito sol, os paneis solares da súa vivenda chegan a xerar máis enerxía da necesaria. Ese exceso pasa a un electrolizador que descompón a auga almacenada nun depósito en osíxeno e hidróxeno. O osíxeno libérase á atmosfera e o hidróxeno gárdase en dez tanques. Cando non hai suficiente enerxía solar, o hidróxeno envíase a unha célula de combustíbel para xerar electricidade. Ese mesmo gas emprégase tamén como combustíbel para o seu automóbil, chamado “A Xénese de Niuchese” e deseñado polo propio Strizki.

Mike vive nunha zona rural coa súa muller, e decidiu hai catro anos ser o primeiro en ter unha casa que só empregase fontes de enerxía limpas: unha combinación de luz solar e hidróxeno. O problema é que este sistema non vai estar a disposición do gran público polo momento, porque é demasiado caro.