Edición xeral
A Autoridade Portuaria viguesa ignora as alegacións ao plan de usos
Hai días que rematou o prazo para responder as alegacións presentadas e a Autoridade Portuaria de Vigo non deu resposta ningunha. Adega, Verdegaia, Bouzas Móvete, Luita Verde, o Foro Social de Cangas, Salvemos Monteferro e a Plataforma en Defensa da Enseada de San Simón insisten en que debe ser arquivado o plan de usos actual e iniciarse a redacción dun novo, xa que o proposto vai contra a lexislación vixente.
Conculca a propia lexislación vixente do Porto, carece de Plan Estratéxico e de Plan de Infraestructuras; carece de informe de Sustentabilidade Ambiental segundo establecido na Lei 9/2006 de 28 de Abril; incumpre o estabelecido no Decreto Lei 2414/1961 que aproba o Regulamento de Actividades Molestas, Insalubres e Perigosas; incumpre a Lei 37/2003 do Ruido; non inclúe Avaliación de Impacto Ambiental Estratéxico según as normativas estabelecidas.
Son estes os argumentos principais que na opinión dos colectivos sociais denunciantes fan necesario que se retire o documento presentado pola Autoridade Portuaria. Ao tempo, avísanlle á institución presidida por Abel Caballero que mentres se redacta e tramita un novo plan o porto debe "absterse de programar, iniciar, tramitar ou publicitar con diñeiro público calquera tipo de iniciativas, proxectos, ilusións, concursos, etc. dentro do ámbito da xurisdición portuaria sempre que non se resolva a situación contenciosa apuntada".
Poden ampliar na web de Verdegaia.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto