Vieiros

O día 8 de outubro fanse seis meses da morte do cámara galego José Couso e do xornalista ucraíno Taras Protsyuk a consecuencia do disparo dun carro de combate norteamericano en Bagdad. A familia do cámara insiste en que “o asasinato de Couso é un crime de guerra que o goberno americano se nega a admitir, falseando os feitos e negando unha investigación seria”. Denuncia tamén que o goberno español “asumiu desde o principio, con vergoñenta sumisión, a versión dos EEUU, pasando por riba das súas obrigas como estado soberano ante a traxedia dun cidadán do seu país”. Nesta páxina poden consultar os actos organizados en memoria de José Couso e aquí unha entrevista co seu irmán Javier.