Vieiros

A Asociación pola Defensa Ecolóxica de Galiza (Adega) e a Confederación Galega de Minusválidos (COGAMI) veñen de publicar un manifesto conxunto (en formato rtf), con motivo da Semana Europea da Mobilidade. Ambos os dous colectivos critican a 'hexemonía do automóbil', que ademais de provocar contaminación atmosférica, acústica e visual, engade unha barreira física e sicolóxica aos problemas de mobilidade de nenos, vellos e discapacitados físicos e intelectuais. Apostan por unha configuración urbana e arquitectónica na que se teñan en conta aos grupos sociais con mobilidade reducida e por un transporte público adaptado ás necesidades de todos.