Vieiros

Fuxan os Ventos ven de sacar o seu último traballo, "Sempre e máis despois", un álbume con trece temas tradicionais que farán as delicias de tódolos amantes ó folk e á música en xeral.

Dende que en 1984 grabaran "Noutrora", Fuxan os Ventos cesou a súa actividade discográfica, aínda que seguiron dando algúns concertos.

Agora volven a escea cun traballo de grandísima calidade e cunha páxina web, que se atopa en http://lugonet.com/fuxanosventos

Nese enderezo pódense atopar tódalas letras das cancións grabadas por Fuxan nos seus 27 anos de historia, a propia historia do grupo, partituras das cancións senlleiras e cinco pequenos cortes en Real Audio de senllos temas do novo disco.